The Way To Glory | Just another WordPress site

رسالة شكر وتقدير من اسرائيل لثورة 25 يناير

Posted on January 29, 2012 by eman

قمت بحفظ الفيديو التالي في حال رفعه من على الإنترنت حتى يكون على مرأي ومسمع من الجميع حقيقة التظاهرات امام ماسبيرو

والتحرش والتعدي على جيش مصر جهارا نهارا وبردو حقهم طبعا يعبروا عن رايهم زي مايحبوا حتى لو شتموا عشان هي دي الحرية وقالوا حتى لو ضد القانون ومانهانا عنه الله بردو من حقهم يعبروا عن رايهم

مفيش اي تعليق زيادة عن عنوان المقالة لأن لما تسمع الفيديو وتشوفه هتعرف ليه انا اخترت العنوان عاليه ليعبر عن ما يحتويه الفيديو

لأنه فعلا عمل جماعي تطوعي لا يخدم غير مصالح اسرائيل

عندي سؤال واحد حتى وانا عرفة انه ميهمش حد ولا له اي اهمية : اين هؤلاء الثوار الشرفاء الي بيكلمونا عنهم ياتري ليه مامنعوش المتظاهرين من الكلام الي قالوه في الفيديو ده؟

اجابتي انا زي مابنشوف ونسمع دلوقتي: عشان انت بطل وعلى حق في اي حاجة تعملها وتقولها طالما بتساعد في التحرش والتحريض ضد الجيش اما لو عملت او قلت عكس كده فاإنت خاين طبعا ودي النغمة السايدة في الإعلام وحتى مجلس الشعب المنتخب لغاية دلوقتي لا يسمع لا يري لا يتكلم طالما الشتيمة والهجوم موجه للجيش وحسبي الله ونعم الوكيل

في الحقيقة عندي كلام كتير زي الجبل على صدري لكن مش قادرة اتكلم لأني بعد ماشوفت الفيديو ده حاسة بالذل والإهانة والمهانة والقهر وماليش غير ربنا اكلمه وادعي له واقول له يييييييييييييييييييييارب خدني وريحني من الذل والقهر ده حتى لو دخلت نارك بذنوبي اهون من اني اعيش في بلدي واشوف واسمع شعب مصر بيشتم جيش مصر

اخر حاجة عاوزة اقولها في الحقيقة الجرايد والإعلام كتر خيهم نشروا خبر الفيديو ده لكن مراعاة لأذان المستمعين واعين القراء منزلوش الفيديو عشان فيه الفاظ بذيئة جدا وخادشة للحياء للبني ادمين الي في مصر لكن طبعا الي اتوجه لهم الإهانات دي الي هما طبعا افراد من الجيش المصري الإعلام والجرائد لا تهتم بالسب والقذف الي اتوجه ليهم لأنهم اعداء الوطن دلوقتي طبعا وفي الحقيقة طبعا بردو دلوقتي لما اي فرد من الجيش يدافع عن نفسه او يمسك اي حد يخترق القانون بيحولوا الموضوع الي قصة شهداه واعتداء وجرايم لكن اي حد يسب ويشتم او حتى يعتدي بالإيد على اي فرد في الجيش او الشرطة هو بريء وشهيد وفقكم الله والي مزيد من النجاحات في حربكم ضد المؤسسات المصرية العسكرية

اضغط هنا لمشاهدة الفيديو

Posted in Uncategorized, أخر أخبار مصر, اخبار مصر, الأخوان المسلمين في مصر, الثورة المضادة في مصر, المجلس العسكري والجيش المصري, المجلس العسكري وجيش مصر, المظاهرات في مصر, تقسيم الوطن العربي, ثوار ونشطاء 25 يناير, ثورة 25 يناير, ثورة 25 يناير 2011, ثورة 25 يناير 2012, حقيقة الثورة المضادة في مصر, ماذا يحدث في مصر, ماذا يحدث في مصر الآن, مصر وميدان التحرير, مظاهرات ميدان التحرير | Tagged احداث ماسبيرو, احمد ماهر, اخبار مصر, اخر اخبار مصر, اسراء عبد الفتاح, اسماء محفوظ, الأخوان المسلمين في مصر, الإعلام المصري, الثوار في مصر, الجيش المصري, الجيش المصري يعتدي على المتظاهرين في ماسبيرو, الجيش يعتدي على معتصمين ماسبيرو, الشرطة العسكرية تعتدي على متظاهرين ماسبيرو, المؤامرات على مصر, المجلس العسكري المصري, المظاهرات في مصر, انتهاكات الشرطة العسكرية ضد المتظاهرين في مصر, ثورة 25 يناير, حركة 6 ابريل, حقيقة الإعلام المنافق الكداب, فيديو اعتداء الجيش المصري على متظاهرين ماسبيرو, فيديو يوضح اعتداء الجيش المصري على المتظاهرين السلميين, مجلس الشعب المصري, مجلس الشعب المصري المنتخب, محمد البرادعي @ar, مصر @ar, مظاهرات ميدان التحرير, ميدان التحرير, وائل غنيم | Leave a comment

فيديو وصور غادة كمال بتشتم الجيش وبتشرب خمرة طبعا بطلة وحرية شخصية كمان

Posted on January 27, 2012 by eman

المقال ده مش لإساءة سمعة الدكتور غادة كمال ولكن انا كل الي عملته اني نقلت كلامها وصورها والفيديو وأضعه بين ايدي من يسمون انفسهم حرائر مصر ورجال مصر محدش عراكي ياغادة انتي الي عريتي نفسك وسبحان الله الي بيسلط على كل بني ادم عمله

اذا هي دي الحرية يبقى ارجوكم استبعدوني عنها عشان انا لا اؤمن بمثل هذه الحرية وشكرا

الدكتورة المحترمة غادة كمال بتشتم جيش مصر وقياداته

الدكتورة المحترمة غادة كمال بتشتم الأخوان والسلفيين

الدكتورة المحترمة غادة كمال بتشرب خمرة

طبعا هي ناشطة وحرة تقول الي عاوزاه حتى لو بتشتم دي حرية شخصية

وطبعا هي بتشرب خمرة وبردو دي حرية شخصية تعمل الي هي عاوزاه

انا مش معترضة على اي حد يعمل اي حاجة هو عاوزاها وبيستره حيطان بيته تعمل الي هي عاوزاه وابصم لها بالعشرة على كده

ولكن ياست يادكتورة يامحترمة ياغادة يابنت كمال الي يحط نفسه ف دايرة الضوء ويعمل فيها بريء يخلي باله من تصرفاته لأن الي بيحط نفسه في دايرة الضوء بالذات بقى لو عمل فيها بطل ووطني وثائر وبريء في اللحظة دي حياتك الشخصية مابقيتش ملكك عشان المجتمع بيراقب كل كلمة بتقوليها وكل فعل بتعمليه المرة الجاية ابقى اشربي بيرة في بيتكم واذا بٌليتم فاستتروا ياست غادة هانم

انتي حرة اعملي الي انتي عاوزاه في بيتكم لكن اي انسان يحط نفسه في دايرة الضوء لازم يكون عنده الشجاعة يقول الحقيقة والي مش عجبه ان شاءالله ماعجبه كنت هحترمك جدا لكن تحطي نفسك في دايرة الضوء وتدعي انك بريئة وتمثلي انك انسانة محترمة وكلامك محترم وموضوعي وانتي اصلا بتشتمي بألفاظ مش محترمة فيها سب وقذف يعاقبك عليها القانون وتتهمي الجيش وتتحرشي بيه وانتي شخصيتك كده وحقيقتك كده فقدتي التعاطف وفقدتي المصداقية واقول لك لأ اوقفي عندك حسبي نفسك الأول وتاني إذا بٌليتم فاستتروا

مش جيش مصر يابنت كمال الي تهينه وتتحرش بيه وتتهمه واحدة زيك وبعدين اولي بيكي بدل ماتغطي شعرك غطي وللمي للسانك

الجيش المصري اطهر واشرف من ان واحدة زيك تهينه او تتطاول عليه او تتهمه

الدكتورة المحترمة بتشتم الأخوان والسلفيين حرية راي طبعا بعد الثورة مش كده؟؟؟؟

اضغط على الفيديو التالي ادي الست الي حرائر مصر نزلوا يدافعوا عنها شوف بتحتفل بإيه بالظبط على انغام شرب بيرة ستلا مفتخر وكل سنة وانتي طيبة ياغادة بس المرة الجاية ابقي خدي بالك مين بيصورك ولو عندك بيت اتلمي في بيتك واعملي الي انتي عاوزاه لكن بره بيتك خلي بالك عشان انتي تحت دايرة الضوء

فيديو اضغط هنا عشان تشوف غادة كمال

اضغط على كل سكرين شوت صورة لتكبير الخط للقراءة